I bokbøyene

Av Enok Kippersund

Bøkene ligg spreidde utover bordet og kviler som småbåtar i ei båtforeining med feste i kvar si bøye. Der  ligg Martin Buber, nett teken ut av mange år i opplag. Der  ligg engelsk-norsk ordbok, alltid med motoren i gang, har sjeldan frivakt. Ei ledig bøye etter ein havsiglar er reservert for ei omsetjing frå fransk som er ventandes om ei vekes tid. Når den fransk-norske kjem, blir ho liggande med telefonkatalogen og Sørås songbok på den eine sida, og med Moby Dick på den andre.

 21.01.08