Små barn er komne til ein
militærleir for å lære at dei ikkje skal vere redde for soldatar. Ein "onkel
soldat" sit med ei 6-år gammal jente på fanget og småsnakkar med henne. Dei får
sendt bort til seg luva til ein annan soldat. Luva er stor, lyst kamuflasjefarga med
bleike fargar av ørkenkvitt og utvaska khaki. Ho liknar på ein kasserolle med ein liten
svart og blank luveskjerm. Det må vere eit stort hovud som brukar å vere inni denne
luva! Og skallen må vere sylinderforma, rund som ei flaske. Minner om fransk militær,
framand-legionær. Linninga på innsida er skiten av sveitte. Dei snur og vender på luva
og ser ned i ho innvendes. Ho er ikkje farleg, er ho? "Onkel soldat" får auge
på noko inne i huva, ser ut som han oppdagar noko å lese. Brått reagerer han og sender
får seg luva: "Oj oj, dette blir i meste laget!"
|