| "(Halvor Floden) Det vi har
greidd, er no det so uhorveleg? Vi har funni at det rår visse lover mellom det skapte.
Dei lovene tykkjest vera ubrigdelege og universelle. Somme av desse lovene kjenner vi litt
til, men vi kjenner truleg ikkje alle, kanskje berre dei færraste. Vi kjenner inga
naturlov til botnar. Vi veit berre at gjer vi så og så, da hender det og det: Slår vi
to steinar mot einannan, da smell det og gneistar. Svingar vi ein magnet framom ein
kopar-tråd-spole, vil noko av rørsle-energien gå som ein straum frå spolen gjennom
lange trådar, så vi kan nytte energien til drivkraft langt borte. Men ingen veit korleis
dette går til, det er uskjønleg som eit under for alle menneske. Vi veit ikkje kvifor
den elektro-magnetiske verknaden kjem fram, vi veit berre at det og det hender. Og såleis
er det med all naturen og alle naturlover: Vi kan lite svare på korleis og kvifor. Kva er
det for ei ovmodig tale å seie at menneska meistrar naturen og naturlovene?" |