Jostein Krokvik: Klokkevisaren

Tre dikt frå samlinga

 Uvanleg vindstilla

Ved Stad ligg skodda

tett som so ofte

den einslege fiskaren i sundet

set garn

kanskje er makrelen

komen

juni

uvanleg vindstilla

på denne kanten

der blåsteren herjar

løynd av skodda er

himmelen

stjernone

soli skal vera i nordvest no

æva bankar bak

stilla

altet slær sine slag

*****

 Dauden og kjærleiken

Dauden og kjærleiken

er

einaste emni verde å skriva om,

 sa ein diktar

dauden skal ikkje

 vera meir

sa profeten

*****

 So snøgt

So snøgt sviv mangt

no

at

det stend stilt